Ora Wirang

Wangsa Dermayu kewilang wangsa sing wirangan, nanging sewise dongole internet kewalik sampe 180 derajat. Awal-awale kenalan lan internet kedeleng masih radanan wirang, masih nganggo foto palsu, nama palsu, sekien? Tobaaaat ebat yakin gah.

Ning pesbuk, kabeh wong dermayu bli ragu nulis nama asli, ningendi kerjane, sing ebat sampe langka rasa watir dalahaken no enpone. Ebate, internet wis gawe penganggone luih "open minded" jembar pemikirane.

Wong dermayu dadi kiyeng ngupai weruh, ana ngendi? lagi mangan? karo sapa? Misale arep terbang ning korea atawa taiwan, pas ning bandara, moto terus tek aplod ning pesbuk atawa bbm. Gawe status "arep plesiran ning luar negri?"

Misale lagi ning mol atawa restoran ya pada, tek poto panganane atawa mol. Terus gawe status "lagi soping ning grage?" atawa "lagi mangan ning restoran pesona laut, Eretan".

Jaman wirangan wis pragat, dongol jaman "narsis". Sampe ana istilahe arane "selfie" kuwen semaceme tukang poto tapi tek poto dewek ora bayar potograper maning.

Ning pesbuk, reang dewek lok ketularan virus anyar kien, tapi reang ngrasa terdholimi krana termasuk bocah blesak. Sing bocah garang lan ayu mah, akeh sing jempol lan komen. Lah reang sing pas-pasan raine melas, untung bae langka sing moyok. Ahhh wiraaang!
***

Akun resmi terkait informasi, pengumuman dan konten blog.

Comments


EmoticonEmoticon