Balik sing Pondok - The Series of Talkiban [39]

Ngenteni Warnyem mragataken ateng-ateng. Talkiban sing wis nggeli mangan, bli sabar. Dodok kesuwen, pikirane Talkiban dadi kelingan bengen balik mondok.

"Nyem, reang pengen crita"
"Crita apa, ban?"

Bengen reang lagi balik mondok, nembe oli limang wulan ning pesantren. Temu jagat manjing wulan puasa, dadi bocah santri pada boyong sing pondok. Pragate ngringkes pakean, lep-lep ning jero tas. Trus, pamit ning kyai. Saking bangga lan senenge, balik mondok. Ora tek uculna sarung lan kupluke.

Ning jero kopayu sing ditumpaki, wong sing sejok karo reang takon.
"Sing pondok ya? kaberan temen, pengen takon mamang kih?"
"Takon apa mang?"
"Mamang kih ganjel bae ningati, pengen weruh tulisan sing ning ider-ider (tutup katil) kah, kaen kuh tulisane apa?"

Reang kih nyem, keder njawabe. Ya barangemah krana asli bli weruh. Mondok bae nembe limang wulan. Reang rada suwe mikir, mentog.

"Apa nang isi tulisane? apa bli weruh?"
Gengsi nyem reang dikononaken. Akhire kelingan ucapan kanggo wong sing ninggal.

"Anuuuu mang, anuuuu kaen kuh tulisane, Innalillahi wainna ilaihi rajiun"

Si Mamang mau geleng-geleng endas oli jawaban sing reang. Mbokan reang kuh sewot atawa nyalahaken, sebab jawabane reang padu bae. Eee malah si Mamang mau ngalem.

"Ebaaaaaaat-ebaaaaaaatt eling-eling balik sing pondok" Mbari nepak bau.
"Ya mang, suwun. ahhhhh biasa bae mang"
"Oiyaaaaa siji maning nang, apa kuh artine? tulisan mau kah"
"Maksude arti Innalillahi wainna ilaihi rajiun tah?
"iya kuwen nang"

Hadeuuuuhh, blenger nyem endase reang, ditakoni artine apa? Ngaji bae nembe najis dibagi pira, surat cendek gah apale mung kulhu-binnas, bil falaq. Ditakoni kuwen, blenger tujuh keliling. Yakin gah.

"Apa nang artine? Mamang pengen weruh, aja medit ning ilmu sih."

Grogi yakin gah, putek mah mbuh kanane. Tapi ya gengsi nyem, reang bli bisa njawab.

"Gage sih nang! Mamang pengen weruh"
"Artine kuh mang, anuuuu mang. YANG TIDAK BERKEPENTINGAN DILARANG MASUK".
"Eling-eling jebolan pondok, ebaaaaat-ebaaaaaat, kesuwun nang."

Astaghfirullah, nyem jero ati, bli pegot-pegot sebut bae reang. Asli yakin gah krana bli weruh waktu kuwen artine. Warnyem langsung gemuyu bli wis-wis.

"Sira tah angger, reang srius kanda kien minangka bentuk rumasa salah, ini pertobatan seorang Talkiban, nyem. Sira mah di geguyu"

Warnyem, tambah ngakak. Hahahhahahaa.
***

Akun resmi terkait informasi, pengumuman dan konten blog.

Comments


EmoticonEmoticon