Parfum Paris - The Series of Talkiban [34]

Jagat kamididing mengkenen gawe Talkiban males tangi saur. Mung enget kolek boled gawean Warnyem lagi sore, ya manis ya pulen.

"ban ... tangia gage, kah kolek bolede wis tek tapung. Gage mumpung nembe ngentas, enak kanggo ngangetaken awak"

Talkiban sing lagi mikiraken kolek boled, ditawani mengkonon pisan, bli pikir suwe. Jrenggelek gage tangi, matane mlotot gulati kolek boled.

Kop-kop jel jel langka pretungan, gage dibadog. Saking pulene saking manise, kolek boled serantang temu entok bae, langka siji-sijia. Eeeeuuuuuuuggghhhhh, suara atob wegahe Talkiban kewaregen mangan boled.

Sing kadoan, Warnyem kegugu bli kejagan deleng tingkah lakine sing kedanan kolek boled. Rasa seneng masakane dipangan laki, ora sia-sia dipai resep ning mertua.

Saking warege mangan boled, Talkiban gleleng ning adepan tipi. Warnyem mareki dodok mbaturi.

"enak ban kolek bolede?"
"mantep, ya pulen ya maniiiissss"
"manis endi lan kita ban?"
"hahahaaaa ... "
"dih tingeling ditakoni malah gemuyu"
"iyaaah, hahhaha ya manis gula, nyem"

Tuuuuuttttttt, bli krasa ngentut saking enake gemuyu.

"dih ... ngentut yaaa ban?"
"iyaaaaah ... nyem" mbari kekukur endas bli gatel.
"hemmmmpptt ... Persis kaya parfum paris"
"wangi yaaaa..." Talkiban ke-GR-an dialem.
"ora ban, tapi tahan lama" Mbari meled mbebeda.
***

Akun resmi terkait informasi, pengumuman dan konten blog.

Comments


EmoticonEmoticon